Swyddog Corfforaethol

Mae Adnodd yn un o gyrff hyd braich Llywodraeth Cymru. Mae'n gyfrifol am arwain a chydlynu'r gwaith o ddarparu adnoddau addysgol yn Gymraeg ac yn Saesneg i ysbrydoli dysgu ac addysgu'r Cwricwlwm i Gymru.

Gweledigaeth Adnodd yw bod gan ein holl ymarferwyr a dysgwyr, beth bynnag fo'u cefndir, yr hawl i gael adnoddau addysgol o ansawdd da a fydd yn tanio'u dychymyg, yn hybu eu lles, ac yn ysgogi cariad gydol oes at ddysgu.

Y cyfle

Mae Adnodd yn chwilio am Swyddog Corfforaethol i roi cymorth effeithiol ym meysydd cyllid, caffael ac adnoddau dynol. Gan adrodd i'r Cyfarwyddwr Gwasanaethau Corfforaethol, byddwch chi'n gweithio'n agos gyda'r uwch dîm arwain i helpu i sicrhau bod prosesau corfforaethol yn cael eu cyflawni'n ddirwystr o ddydd i ddydd, a hynny mewn sefydliad dynamig sy'n canolbwyntio'n llwyr ar ei ddiben.

Y cyfrifoldebau

Cymorth ym maes cyllid a chaffael

Prosesu archebion prynu, anfonebau cyflenwyr a thaliadau drwy Xero a bancio ar-lein
Cysoni cyfrifon banc a chreu adroddiadau i'r tîm gweithredol
Rheoli hawliadau treuliau'r staff
Ymwneud ag archwilwyr mewnol ac allanol
Gofyn am ddyfynbrisiau a manylebau gan gyflenwyr

Cymorth corfforaethol cyffredinol

Cadw cofnodion absenoldeb a salwch y staff a pharatoi adroddiadau rheolaidd
Prawfddarllen dogfennau ac adroddiadau yn Gymraeg ac yn Saesneg
Rhoi cymorth gweinyddol ar gyfer digwyddiadau a rheoli dyddiaduron, a phrosesu papurau'r bwrdd
Helpu cydweithwyr gyda'r prosesau comisiynu

Am beth rydyn ni'n chwilio

Cefndir cryf mewn gweinyddu ariannol neu weinyddu busnes, yn ddelfrydol yn y byd addysg neu'r sector cyhoeddus
Gallu amlwg i helpu i gyflawni cynlluniau busnes mewn cyd-destunau sy'n esblygu
Profiad o feithrin a rheoli perthnasau â rhanddeiliaid
Dealltwriaeth gadarn o brosesau corfforaethol ac ariannol
Gallu rhagorol i roi sylw i fanylion a sicrhau cywirdeb
Agwedd ragweithiol ac ymarferol, ac ymrwymiad i wella o hyd
Y gallu i weithio'n annibynnol a chrebwyll cadarn
Brwdfrydedd dros addysg a dwyieithrwydd

Hyfedredd ieithyddol

Ar gyfer y swydd hon, mae'n hanfodol eich bod â sgiliau cyfathrebu cryf yn y Gymraeg a'r Saesneg, yn ysgrifenedig ac ar lafar.

Y buddion

5 awr yr wythnos - amgylchedd gweithio hyblyg (0.6 cyfwerth ag amser llawn)
30 diwrnod o wyliau blynyddol + Gwyliau Cyhoeddus
Gwyliau ychwanegol - Dydd Gŵyl Dewi
Cynllun Pensiwn y Gwasanaeth Sifil
Amrywiaeth o fanteision eraill

I wneud cais

Yolk Recruitment yw partner recriwtio arbennig Adnodd ac felly bydd yr holl geisiadau'n cael eu rheoli gan dîm Yolk, gan ddilyn proses recriwtio deg a thryloyw Adnodd.

I wneud cais, anfonwch eich CV a llythyr i gyd-fynd (dim mwy na 500 o eiriau) at Hannah Welfoot yn Yolk Recruitment.

Dyddiad cau: Mercher, 14 Mai

Dyddiad y cyfweliad a'r asesiad: Mercher, 21 Mai

Lleoliad y cyfweliad a'r asesiad: Caerdydd

Ymunwch â ni ar ein taith i greu profiadau dysgu cyfoethog, cynhwysol sy'n cefnogi ac yn ysbrydoli addysgwyr a dysgwyr fel ei gilydd.

Mae Adnodd wedi ymrwymo i greu gweithle amrywiol, cynhwysol a grymusol, lle bydd pawb yn perthyn. Rydyn ni'n frwd yn ein hawydd i groesawu ceisiadau gan ymgeiswyr o bob cefndir, yn enwedig y rheini o gymunedau Du, Asiaidd ac ethnig leiafrifol, a phobl anabl. Rydyn ni'n cydnabod ac yn gwerthfawrogi'r safbwyntiau a'r profiadau unigryw y bydd gan bob unigolyn i'w cynnig, ac rydyn ni wedi ymroi i sicrhau tegwch yn ein prosesau recriwtio a thrwy ein holl sefydliad.