Rheolwr Comisiynu ac Ansawdd

Cwmni newydd yw Adnodd sydd wedi ei greu gan Lywodraeth Cymru i sicrhau fod dysgwyr ac athrawon yn gallu cael mynediad at adnoddau arloesol a dwyieithog o'r safon uchaf fydd yn cyfoethogi eu profiad o'r Cwricwlwm i Gymru. Bydd Adnodd yn darparu cyfeiriad strategol ac yn gweithio gydag ymarferwyr a chrewyr cynnwys i gomisiynu a sicrhau ansawdd yr adnoddau addysg a fydd yn helpu dysgwyr i lwyddo.

Mae Yolk Recruitment yn cefnogi Adnodd i recriwtio Rheolwr Comisiynu ac Ansawdd i fapio'r ddarpariaeth a'r galw presennol, ac i arwain ar ddarparu rhaglen gomisiynu a sicrhau ansawdd effeithiol i fynd i'r afael â blaenoriaethau a chyfleoedd a gytunwyd.

Yn Adnodd, byddwch ar flaen y gad o ran trawsnewid argaeledd adnoddau addysgol dwyieithog yng Nghymru. Mae'r rôl hon yn cynnig cyfle i ddylanwadu'n sylweddol ar sut mae cynnwys addysgol yn cael ei saernïo a'i gyflwyno, gan sicrhau ei fod yn diwallu anghenion amrywiol pob dysgwr ar draws y system. Ymunwch â ni yn ein cenhadaeth i greu gwaddol o brofiadau dysgu cyfoethog a chynhwysol sy'n cefnogi ac yn ysbrydoli addysgwyr a dysgwyr fel ei gilydd.

Bydd y Rheolwr Comisiynu ac Ansawdd yn allweddol i'r gwaith o wireddu gweledigaeth Adnodd a sicrhau bod dysgwyr ac ymarferwyr yn elwa ar adnoddau addysgol dwyieithog eithriadol.

Fel cwmni newydd sbon, mae Adnodd wedi ymrwymo i ddod yn sefydliad amrywiol a chynhwysol. Felly, waeth beth fo'ch rhywedd, oedran, statws anabledd, cyfeiriadedd rhywiol, crefydd, neu ethnigrwydd, mae Adnodd eisiau clywed gennych chi.

Y Rôl

Trwy gydweithio'n effeithiol â phartneriaid strategol, cyhoeddwyr, datblygwyr, ymarferwyr ac arbenigwyr pwnc, byddwch yn comisiynu cynnwys dwyieithog o ansawdd uchel sy'n gynhwysol, yn hygyrch, yn adlewyrchu safbwyntiau a phrofiadau amrywiol, ac yn sicrhau gwerth am arian trwy:

• Arweinyddiaeth strategol
• Mapio adnoddau ac asesu anghenion
• Ymgysylltu â rhanddeiliaid a blaenoriaethu
• Amrywiaeth a chynhwysiant
• Cynllunio gweithrediadau a rheoli prosiectau
• Mesur cynnydd ac adrodd

Gofynion

Bydd gan y Rheolwr Comisiynu ac Ansawdd llwyddiannus y profiad, y cymwysterau a'r priodoleddau canlynol:

• Mae Cymraeg Canolradd yn hanfodol
• Comisiynu, datblygu neu sicrhau ansawdd adnoddau addysgol neu brofiad tebyg
• Rheoli aml-brosiectau yn effeithiol
• Rheoli contractau a chyflenwyr
• Y gallu i feddwl yn strategol a chynllunio'n weithredol

Cyflog

• Cyflog cychwynnol o £55,460
• Gweithio hyblyg
• Gwyliau blynyddol o 30 diwrnod + gwyliau cyhoeddus
• Pensiwn y Gwasanaeth Sifil
• Amrywiaeth o fuddion ychwanegol

Yolk Recruitment yw partner recriwtio unigryw Adnodd. Bydd pob cais felly yn cael ei reoli gan y tîm yn Yolk, gan ddilyn proses deg a thryloyw Adnodd o recriwtio.