Rheolwr Profiadau Digidol a Defnyddwyr

Cwmni newydd yw Adnodd sydd wedi ei greu gan Lywodraeth Cymru i sicrhau fod dysgwyr ac athrawon yn gallu cael mynediad at adnoddau arloesol a dwyieithog o'r safon uchaf fydd yn cyfoethogi eu profiad o'r Cwricwlwm i Gymru. Bydd Adnodd yn darparu cyfeiriad strategol ac yn gweithio gydag ymarferwyr a chrewyr cynnwys i gomisiynu a sicrhau ansawdd yr adnoddau addysg a fydd yn helpu dysgwyr i lwyddo.

Mae Yolk Recruitment yn cefnogi Adnodd i recriwtio Rheolwr Profiadau Digidol a Defnyddwyr i arwain y gwaith o ddatblygu a darparu strategaethau, cynlluniau a phartneriaethau i wella hygyrchedd ac effeithiolrwydd adnoddau addysgol digidol.

Yn Adnodd, byddwch ar flaen y gad o ran trawsnewid argaeledd adnoddau addysgol dwyieithog yng Nghymru. Mae'r rôl hon yn cynnig cyfle i ddylanwadu'n sylweddol ar sut mae cynnwys addysgol yn cael ei saernïo a'i gyflwyno, gan sicrhau ei fod yn gwneud y mwyaf o dechnoleg i ddiwallu anghenion amrywiol pob dysgwr ar draws y system. Ymunwch â ni yn ein cenhadaeth i greu gwaddol o brofiadau dysgu cyfoethog a chynhwysol sy'n cefnogi ac yn ysbrydoli addysgwyr a dysgwyr fel ei gilydd.

Bydd gan y Rheolwr Profiadau Digidol a Defnyddwyr ran hanfodol yn y gwaith o sicrhau bod dysgwyr ac ymarferwyr yng Nghymru yn cael mynediad teg a hawdd at yr adnoddau digidol dwyieithog gorau posibl.

Fel cwmni newydd sbon, mae Adnodd wedi ymrwymo i ddod yn sefydliad amrywiol a chynhwysol. Felly, waeth beth fo'ch rhywedd, oedran, statws anabledd, cyfeiriadedd rhywiol, crefydd, neu ethnigrwydd, mae Adnodd eisiau clywed gennych chi.

Y Rôl

Rôl eang yw hon sy'n Rheoli Profiadau Digidol a Defnyddwyr gan gynnwys:

• Strategaeth ddigidol ac arloesedd
• Dylunio sy'n rhoi'r Defnyddiwr yn y canol
• Mynediad teg a gwerth am arian
• Cydweithio ac ymgysylltu â rhanddeiliaid
• Mesur ac adrodd ar ganlyniadau a chynnydd

Gofynion

Bydd gan y Rheolwr Profiadau Digidol a Defnyddwyr llwyddiannus y profiad, y cymwysterau a'r priodoleddau canlynol:

• Hyfedredd yn y Gymraeg a'r Saesneg
• Y gallu i greu ac optimeiddio llwybrau digidol.
• Y gallu i ddylunio profiad defnyddwyr mewn perthynas ag atebion neu blatfformau
• Y gallu i reoli rhanddeiliaid
• Y gallu i feddwl yn strategol a phennu gweledigaeth

Cyflog

Bydd y Rheolwr Profiadau Digidol a Defnyddwyr llwyddiannus yn derbyn y cyflog canlynol:

• Cyflog cychwynnol o £55,460
• Gweithio hyblyg
• Gwyliau blynyddol o 30 diwrnod + gwyliau cyhoeddus
• Pensiwn y Gwasanaeth Sifil
• Amrywiaeth o fuddion ychwanegol

Yolk Recruitment yw partner recriwtio unigryw Adnodd. Bydd pob cais felly yn cael ei reoli gan y tîm yn Yolk, gan ddilyn proses deg a thryloyw Adnodd o recriwtio.